Eskerrik asko, Leire!

Leirek 11 urte zituen gure klubera iritsi zenean eta 18 urte bete arte ibili zen gurekin, igeriketa-entrenamenduetan. Desgaitasunik izan gabe Berdin-Berdinak elkartera hurbildu zen lehenbiziko pertsona izan zen eta, alde horretatik, inflexio-puntu bat markatu zuen gure ibilbidean, orduan hasi baitzen, benetan, gure elkartea inklusiboa izaten.

Urte horietan, entrenamenduetara ia inoiz huts egin gabe, zintzo demonio, igeriketako teknika hobetu zuen eta hainbat aldiz parte hartu zuen Getaria-Zarautz itsas zeharkaldian.

Gero, bizitzak ematen dituen bueltak direla-eta, utzi egin behar izan zuen; baina, aurten, gurekin izan dugu ostera, irailetik azarora bitartean, laguntzaile-lanetan, igeriketako asteleheneko taldean. Kontatu digunez, oso gustura ibili da:

Klubera berriz etortzea etxera itzultzea bezala izan da niretzat; igeri egiteaz gain, baloreak erakutsi zizkidan etxe hartara. Klubean entzun nuen, lehen aldiz, inklusio hitza eta haren esanahia ikasi. Bizitzaren joan-etorriak direla eta taldea utzi behar izan nuenean, tristura handia sentitu nuen. Ez nuen sekula pentsatuko itzultzean inoiz joan izan ez banintz bezala izango zenik. Bada, hala izan da. Egia esanda, den-dena ez da lehen bezalakoa izan, taldekideen hobekuntzaren lekuko izatea oso hunkigarria izan baita niretzat. Harrigarria eta harro egoteko modukoa da igeriketarako duten zaletasuna eta hartan jartzen duten grina eta gogoa. Plazer bat da igerilekua beraiekin partekatzea eta taldeko kide izatea. Eskerrik asko denoi eta, batez ere, Anari, esperientzia hau bizitzeko aukera emateagatik eta hainbeste erakusteagatik, taldean hasi nintzenetik gaur arte, eta espero dut beste hainbat urtetarako ere. Berdin-Berdinak nire bigarren etxea izango da beti. Laster itzuliko naiz.

Guretzat ere gozamena izan da Leire berriro gurekin aritzea eta eraikitzen ari garen etxe komun honen parte izaten segitzen duela sentitzea, gainerako elkartekideak bezala.

Elkarteko kirol-arduradun Ana Godoyek barru-barrutik erantzun dio Leireren esker oneko mezuari:

Hunkitu egin naiz zure mezua irakurrita, Leire. Gauza hauek ukitu egiten naute eta, egia esan, espero dut beti horrela izatea šŸ™‚

Berriro Leirerekin egun batzuk konpartitzeak barru-barrutik poztu nau. Bai Leire eta bai bere etxekoak jende ezin hobea dira eta ederra izan da berriz juntatzea.

Mila esker, Leire, eta nahi duzun arte!

Asteleheneko igeriketa-taldea

Normaltasunez ari dira entrenatzen Berdin-Berdinak elkarteko kirolariak, denboraldi berrian

Azken bi denboraldiotan, pandemia-egoera dela-eta, muga dezente izan ditu elkarteak entrenamendu eta jarduerak erregulartasunez egiteko; baina aurten normal samar hasteko modua izan dugu eta gure atal guztietako kirolariek hilabete luze daramate dagoeneko lanean.

Pandemia-egoera ez dugu, ordea, zeharo gainditu eta osasun-agintarien agindu eta gomendioak betetzen ari gara oraindik, batez ere maskaren erabilerari eta elkarren arteko distantziei dagokienez. Baina, esanda bezala, normaltasun handiz ari gara eta elkarteko kirolariek, familiek eta zuzendaritzak asko eskertzen dute hori, azken bi denboraldiak ez dira-eta errazak izan.

Elkartearen martxaz arduratzen den talde teknikoak eta zuzendaritzak gogoz eta ilusioz heldu dio denboraldi berriari eta espero dugu aurten berreskuratu ahal izango ditugula aurreko urteetan egin gabe geratutako hainbat jarduera.

Kirolariak ere gustura hasi dira lanean, eta hori da guretzat inportanteena.

Denboraldi hasiera honetan ez ditugu aipatu gabe utzi nahi gure laguntzailea: Orioko Udala, Gipuzkoako Foru Aldundia, Arraun Elkartea, Karela kiroldegia eta Urki arraun-taldea. Mila esker guztiei!

Aurtengo modalitateak eta ordutegiak

Hauek dira, gaurko egunez, Berdin-Berdinak elkarteak eskaintzen dituen kirol-modalitateak eta ordutegiak (ikasturtean zehar aldaketak izan daitezke):

ARRAUNA

Orioko Arraunetxen: ostegunetan, 18:00etan eta larunbatetan, goizez (ordutegi aldakorra, marearen arabera)

Donostiako Urki arraun-elkartean: astearte eta ostegunetan, 18:00etan.

IGERIKETA

Karela kiroldegian: astelehen eta ostiraletan, arratsaldez.

ADINEKOEN KIROLA

Karela kiroldegian, igerilekuan: astearte eta ostegunetan, 09:30ean; eta asteazken eta ostiraletan, 18:30ean.

Bainatzen laguntzeko zerbitzua eman du aurtengo udan ere Berdin-Berdinak elkarteak

Bigarren urtez segidan, Berdin-Berdinak elkarteak asistentzia eman dio udan elkarteko familia bati, haurrek hondartzan lagunduta bainatu ahal izateko.

Klubaren jarduera arautua ekainean bukatzen da, berez; baina aurten, iaz bezala, gure igeriketako begiraleek, Ana eta Cristinak, lanean segitu dute, elkartearen aurpegi sozialena eta solidarioena erakutsiz: ekainaren azken astean hasi eta uztailean eta abuztuan, Orioko hondartzan bainatzeko laguntza eman diete elkarteko familia bateko haurrei. Haurrek, laguntza hori gabe, ezin izango zuten herriko hondartzaz gozatu eta, beraz, zerbitzu hori ematea erabaki zuen elkarteak, Ana eta Cristinaren bitarteaz, ederki ezagutzen baitituzte zerbitzuaz baliatu diren neskak.

Aurtengo uda ez da izan bereziki egokia hondartzarako, baina gure bi begiraleak gutxienez astean bitan etorri dira Oriora, olatuekin eta gabe, eguzkitan eta lainopeanā€¦ Lan ederra egin dute eta familiak izugarri eskertu du.

Haurrek asko gozatu dute eta guretzat hori da saririk onena!

Uretarako prestatzen
Ur ertzean

Etxetik ereā€¦ gelditu gabe lanean!

entrenamenduaonline21

Guztiontzat zaila izaten ari da COVID-19aren pandemiak sortu duen egoera, besteak beste etengabe behartzen gaituelako planak eta programazioak aldatzera, ziurtasun-falta erabatekoan. Irailean denboraldia hasi genuenetik, maiz egin behar izan ditugu aldaketak gure jardueretan, momentuan momentuko egoerara egokitzeko. Azkena urtarrilean izan da, Gabonetako oporretatik bueltan.

Orio eta Donostia pandemiagatik zona gorrian egon diren bitartean bertan behera utzi behar izan ditugu entrenamendu presentzialak; baina, hala ere, ez dugu geldirik geratu nahi izan eta ahalegina egin dugu elkartearen kirol-jarduerari eusteko, badakigu-eta zer inportantea den gure kirolari eta familientzat.

Entrenamenduak online

Entrenamendu Ā«normalikĀ» ezin izan dugu egin egun horietan, baina jarduera ez gelditzea erabaki genuen. Gure monitoreek primerako lana egin dute ā€”eskerrik asko, benetan!ā€” eta entrenamendu-saio errazak antolatu dituzte online, taldekide guztiak parte hartzera animatuz: ariketa orokorrak, artikulazioak lantzekoak, indarra lantzekoak, kardioa, luzaketakā€¦ denetik egin dute.

Otsailaren lehen hamabostaldian hasi ginen online entrenamenduekin eta, bataz beste, 15 kirolari inguru aritu dira horretan, astelehen eta asteazken arratsaldeetan. Zoritxarrez, ezin izan dugu gure kirolari guztiengana iritsi, baina parte hartu dutenak oso gustura aritu dira.

Helburuak

Jarduera horien bidez, helburu hauek lortu nahi izan ditugu:

  • Kirolariek asteroko lan-erritmoari eta ariketa fisikoaren errutinari eustea.
  • Mantentzea kirolarien arteko harremana, eta talde teknikoarekin dutena.
  • Egoera zail honek sortzen duen isolamenduari eta tristura-sentsazioari aurre egitea.

Klubeko materiala saltzeko mahaia jarriko du Berdin-Berdinak elkarteak Orioko plazan abenduaren 24an

salmenta20

Berdin-Berdinak elkarteko materiala jarriko da salgai abenduaren 24an: sudaderak, kamisetak, igeritarako txanoak eta nesken eta mutilen bainujantziak…

Mahaia jartzearen helburua bikoitza da: alde batetik, klubari bisibilitatea ematea eta herritarren artean ezagutzera ematea, eta, bestetik, dirua biltzea jarduerak finantzatzen laguntzeko.Ā 

Salmentarako mahaia Orioko plazan jarriko da goizean, 12:00etatik 14:00etara eta elkartearen lagun guztiak gonbidatuta daude azaltzera.

Pandemia-egoeran ere gogoz ari dira lanean Berdin-Berdinak elkarteko taldeak

DSCF1406

Aurten, bizi dugun pandemia-egoera dela-eta, dena da zailago; baina Berdin-Berdinak elkarteko kirolariak lanean hasita daude dagoeneko, zailtasunak zailtasun, eta hala segitzeko asmoa dute, horretarako aukera dagoen bitartean.

Egoerari aurre egiteko, aldaketa batzuk egin behar izan ditugu taldeetan eta orain talde txikiagoetan ari dira, esaterako, arrauneko entrenamenduetan. Zer esanik ez, gel hidroalkoholikoak eta maskarak eguneroko errutina bihurtu dira denontzat. Ez da erraza, baina horrek ez ditu elkarteko neska-mutilak atzeratu eta gogoz ekin diete ikasturte berriko entrenamenduei.

Igerilariak eta adinekoen taldekoak ere urrian hasi ziren entrenatzen eta martxa onean ari dira.

Jaurlaritzak hartutako azken neurriek arraunera etorri ezinik utzi ditu Oriorekin muga egiten ez duten zenbait herritako arraunlariak. Ea lehenbailehen horiek ere berriro lanean hasteko modua duten!

Bitartean, azken entrenamenduetako argazki batzuk zintzilikatu ditugu blogean, elkarteko kideekin eta herritarrekin konpartitzeko.

Animo eta zaindu denok!

arraunketaBAT20

DSCF1379

DSCF1383

DSCF1388

DSCF1391

DSCF1402

DSCF1406

DSCF1413

DSCF1416

DSCF1421

DSCF1429

igeriketaBAT20

igeriketaBI20

igeriketaHIRU20

igeriketaLAU20

 

 

Konfinamenduan sortutako jarduera: bideo bidezko erronkak

adecco20

Konfinatuta egon ginen garaian, Berdin-Berdinak elkarteak jarduera berri bat eskaini zien gure familiei, elkarren arteko harremanari eusteko eta, egoera arraro eta zailari argi pixka bat emateko: bideo bidezko erronkak. Gure elkarteko teknikariek, bideo batzuen bitartez, erronkak planteatzen zizkieten familiei astero, nork bere etxean egiteko. Erronkak elkarrekin egiten zituzten familietan, haur eta guraso, denak batera, eta formula polita izan zen etxealdia arintzeko eta barre batzuk egiteko.

Erronkak errazak izaten ziren, edozeinek egiteko modukoak eta, horri esker, familia askok hartu zuen parte, etxean bideoak grabatuz eta elkarteko lagunekin konpartituz. Garrantzizkoa izan zen jardueren zailtasuna modulatzea guztiek parte hartzeko modua izateko eta ez inor kanpoan uzteko.

Astean behin elkartzen ziren familiak eta teknikariak, bideokonferentzia bidez, eta hor konpartitzen zituzten etxean egindako bideoak. Whatsapp-taldeak ere bizi-bizi ibili ziren egun haietan šŸ™‚ Jarduerak oso harrera ona izan zuen gure familietan eta ederki pasatu genuen.

Irailean beste horrenbeste, Adecco Fundazioarekin

Gure elkarteak badu harremana Adecco Fundazioarekin, lehen ere egin izan dugulako jardueraren bat elkarrekin. Irailaren hasieran Fundazioaren arduradunak gurekin jarri ziren harremanetan, beren familietako batzuekin jardueraren bat egin nahi zutelako. Guk bideo bidezko erronken esperientzia kontatu genien.

Asko gustatu zitzaien ideia eta, ados jarri ondoren, joan den astean, irailaren bukaeran, bideo bidezko erronkak egin ditugu berriro, oraingo honetan Adecco Fundazioko Bizkaiko eta Gaztela-Leongo familiekin.

Erronkak azaltzeko bideoak Orioko Arraunetxen grabatu ondoren, gure teknikariek bideokonferentziaz dinamizatu zuten jarduera, irailaren 28ko arratsaldean. Maitasun eta dedikazio handia jarri zuten beren lanean eta esperientzia ederra izan zen berriro.

Gure teknikarientzat ikasten segitzeko modu bat izan zen eta Adecco Fundazioko familiek asko eskertu zuten elkarteak egindako lana.

adeccoBI20

Berdin-Berdinak elkartea berriro martxan jarri da aste honetan

covidoseaBI20

Konfinamenduak luze jo du denontzat, eta baita gure neska-mutil eta entrenatzaileentzat ere, baina hasi gara dagoeneko pausoak ematen Ā«normaltasun berriĀ»rantz.

Berdin-Berdinak elkarteak, aste honetan, berriro martxan jarri du bere jarduera: asteazkenean egin zuen lehen saioa Ā«amonen taldeakĀ» eta gaur, ekainak 6, larunbatarekin, arrauneko taldearen Covid osteko lehenbiziko entrenamendu-saioa izan da.

Segurtasun- eta higiene-kontuengatik, kanpoan egin dugu soinketa-saioa, ikastolako pergolan. Normalean Arraunetxeko aretoan egiten dugu lehorreko saioa eta gero uretara abiatzen dira gure kirolari batzuk, mareak eta eguraldiak aukera ematen duenean. Arraunean ezin izango dugu egin ekainean, baina lehorreko saioekin hastea erabaki dugu, neska-mutilen arteko harremanak ez galtzeko eta etxealdian irabazitako kiloak galtzeko šŸ™‚

Egoerak hala eskatzen du eta maskarak jantzita etorri dira gure kirolariak entrenamendura, nahiz eta gero kendu egin dituzten, distantzia zaintzeko nahiko leku bazegoen-eta ikastolako pergolan. Talde txikitan banatuta egin dute entrenamendua eta oso gustura aritu dira neska-mutilak, entrenatzaileak nahiz laguntzaileak. Whatsapp bidez-eta mantendu dute harremana hilabete hauetan, baina gogoa zuten denok aurrez aurre berriro elkar ikusteko eta entrenamendu normal antzeko bat egiteko.

Covidostea20

Emakumeen taldea ere martxan

Asteazkenean abiatu zen, bestalde, Berdin-Berdinak elkarteko emakumeen taldea. Gaurko toki berean juntatu ziren, ikastolako pergolan, eta hainbat ariketa egin zituzten, aspaldiko partez. Denboraldia bukatu arte, astean bitan bilduko dira goizean, astearte eta ostegunetan, ibilaldi nordikoa egiteko eta, eguraldiak laguntzen badu, hondartzara joateko.

amonentaldea20