Klubeko materiala saltzeko mahaia jarriko du Berdin-Berdinak elkarteak Orioko plazan abenduaren 24an

salmenta20

Berdin-Berdinak elkarteko materiala jarriko da salgai abenduaren 24an: sudaderak, kamisetak, igeritarako txanoak eta nesken eta mutilen bainujantziak…

Mahaia jartzearen helburua bikoitza da: alde batetik, klubari bisibilitatea ematea eta herritarren artean ezagutzera ematea, eta, bestetik, dirua biltzea jarduerak finantzatzen laguntzeko.Ā 

Salmentarako mahaia Orioko plazan jarriko da goizean, 12:00etatik 14:00etara eta elkartearen lagun guztiak gonbidatuta daude azaltzera.

Pandemia-egoeran ere gogoz ari dira lanean Berdin-Berdinak elkarteko taldeak

DSCF1406

Aurten, bizi dugun pandemia-egoera dela-eta, dena da zailago; baina Berdin-Berdinak elkarteko kirolariak lanean hasita daude dagoeneko, zailtasunak zailtasun, eta hala segitzeko asmoa dute, horretarako aukera dagoen bitartean.

Egoerari aurre egiteko, aldaketa batzuk egin behar izan ditugu taldeetan eta orain talde txikiagoetan ari dira, esaterako, arrauneko entrenamenduetan. Zer esanik ez, gel hidroalkoholikoak eta maskarak eguneroko errutina bihurtu dira denontzat. Ez da erraza, baina horrek ez ditu elkarteko neska-mutilak atzeratu eta gogoz ekin diete ikasturte berriko entrenamenduei.

Igerilariak eta adinekoen taldekoak ere urrian hasi ziren entrenatzen eta martxa onean ari dira.

Jaurlaritzak hartutako azken neurriek arraunera etorri ezinik utzi ditu Oriorekin muga egiten ez duten zenbait herritako arraunlariak. Ea lehenbailehen horiek ere berriro lanean hasteko modua duten!

Bitartean, azken entrenamenduetako argazki batzuk zintzilikatu ditugu blogean, elkarteko kideekin eta herritarrekin konpartitzeko.

Animo eta zaindu denok!

arraunketaBAT20

DSCF1379

DSCF1383

DSCF1388

DSCF1391

DSCF1402

DSCF1406

DSCF1413

DSCF1416

DSCF1421

DSCF1429

igeriketaBAT20

igeriketaBI20

igeriketaHIRU20

igeriketaLAU20

 

 

Konfinamenduan sortutako jarduera: bideo bidezko erronkak

adecco20

Konfinatuta egon ginen garaian, Berdin-Berdinak elkarteak jarduera berri bat eskaini zien gure familiei, elkarren arteko harremanari eusteko eta, egoera arraro eta zailari argi pixka bat emateko: bideo bidezko erronkak. Gure elkarteko teknikariek, bideo batzuen bitartez, erronkak planteatzen zizkieten familiei astero, nork bere etxean egiteko. Erronkak elkarrekin egiten zituzten familietan, haur eta guraso, denak batera, eta formula polita izan zen etxealdia arintzeko eta barre batzuk egiteko.

Erronkak errazak izaten ziren, edozeinek egiteko modukoak eta, horri esker, familia askok hartu zuen parte, etxean bideoak grabatuz eta elkarteko lagunekin konpartituz. Garrantzizkoa izan zen jardueren zailtasuna modulatzea guztiek parte hartzeko modua izateko eta ez inor kanpoan uzteko.

Astean behin elkartzen ziren familiak eta teknikariak, bideokonferentzia bidez, eta hor konpartitzen zituzten etxean egindako bideoak. Whatsapp-taldeak ere bizi-bizi ibili ziren egun haietan šŸ™‚ Jarduerak oso harrera ona izan zuen gure familietan eta ederki pasatu genuen.

Irailean beste horrenbeste, Adecco Fundazioarekin

Gure elkarteak badu harremana Adecco Fundazioarekin, lehen ere egin izan dugulako jardueraren bat elkarrekin. Irailaren hasieran Fundazioaren arduradunak gurekin jarri ziren harremanetan, beren familietako batzuekin jardueraren bat egin nahi zutelako. Guk bideo bidezko erronken esperientzia kontatu genien.

Asko gustatu zitzaien ideia eta, ados jarri ondoren, joan den astean, irailaren bukaeran, bideo bidezko erronkak egin ditugu berriro, oraingo honetan Adecco Fundazioko Bizkaiko eta Gaztela-Leongo familiekin.

Erronkak azaltzeko bideoak Orioko Arraunetxen grabatu ondoren, gure teknikariek bideokonferentziaz dinamizatu zuten jarduera, irailaren 28ko arratsaldean. Maitasun eta dedikazio handia jarri zuten beren lanean eta esperientzia ederra izan zen berriro.

Gure teknikarientzat ikasten segitzeko modu bat izan zen eta Adecco Fundazioko familiek asko eskertu zuten elkarteak egindako lana.

adeccoBI20

Berdin-Berdinak elkartea berriro martxan jarri da aste honetan

covidoseaBI20

Konfinamenduak luze jo du denontzat, eta baita gure neska-mutil eta entrenatzaileentzat ere, baina hasi gara dagoeneko pausoak ematen Ā«normaltasun berriĀ»rantz.

Berdin-Berdinak elkarteak, aste honetan, berriro martxan jarri du bere jarduera: asteazkenean egin zuen lehen saioa Ā«amonen taldeakĀ» eta gaur, ekainak 6, larunbatarekin, arrauneko taldearen Covid osteko lehenbiziko entrenamendu-saioa izan da.

Segurtasun- eta higiene-kontuengatik, kanpoan egin dugu soinketa-saioa, ikastolako pergolan. Normalean Arraunetxeko aretoan egiten dugu lehorreko saioa eta gero uretara abiatzen dira gure kirolari batzuk, mareak eta eguraldiak aukera ematen duenean. Arraunean ezin izango dugu egin ekainean, baina lehorreko saioekin hastea erabaki dugu, neska-mutilen arteko harremanak ez galtzeko eta etxealdian irabazitako kiloak galtzeko šŸ™‚

Egoerak hala eskatzen du eta maskarak jantzita etorri dira gure kirolariak entrenamendura, nahiz eta gero kendu egin dituzten, distantzia zaintzeko nahiko leku bazegoen-eta ikastolako pergolan. Talde txikitan banatuta egin dute entrenamendua eta oso gustura aritu dira neska-mutilak, entrenatzaileak nahiz laguntzaileak. Whatsapp bidez-eta mantendu dute harremana hilabete hauetan, baina gogoa zuten denok aurrez aurre berriro elkar ikusteko eta entrenamendu normal antzeko bat egiteko.

Covidostea20

Emakumeen taldea ere martxan

Asteazkenean abiatu zen, bestalde, Berdin-Berdinak elkarteko emakumeen taldea. Gaurko toki berean juntatu ziren, ikastolako pergolan, eta hainbat ariketa egin zituzten, aspaldiko partez. Denboraldia bukatu arte, astean bitan bilduko dira goizean, astearte eta ostegunetan, ibilaldi nordikoa egiteko eta, eguraldiak laguntzen badu, hondartzara joateko.

amonentaldea20

Maskara solidarioak

telazkomaskarakblog20

Orioko Carmen arrandegiko Olgak lanean jarri ditu etxekoak, ama eta izeba, eta, konfinatuta egon beharreko egun hauetan, telazko maskarak egiten ari dira, gero jendearen artean banatzeko.

Maskarak arrandegian bertan hartu ditzake edozeinek, borondatearen truke. Ekimenaren helburua ez denez dirua irabaztea, baizik-eta laguntzea, jendeak borondatez emandako dirua herriko elkarte batentzat izatea erabaki dute eta, horretarako, Berdin-Berdinak kirol inklusiboko elkartea aukeratu dute.

Mila esker ekimen polit honengatik eta gure lana aintzakotzat hartzeagatik!

Berdin-Berdinak elkarteak zenbait neurri hartu ditu, koronabirusaren krisiari erantzuteko

koronabirusa20

Berdin-Berdinak kirol inklusiboko elkarteak zenbait neurri hartu ditu, bizi dugun egoerari erantzun egokia emateko. Hona hemen elkartearen presidente Miren Salsamendik neurri horiek azaltzeko elkarteko kideei eta familiei bidali dien mezua:

Koronabirusaren krisiak sortutako egoera honek astindu latza eman dio guztion eguneroko bizimoduari, eta gure klubean ere aldaketak eragin ditu, ezinbestean. Horien berri eman nahi dizuet.

Gure langileak ERTEn sartu ditugu klubaren jarduera etenda dagoen bitartean eta, hartara, langabezia kobratuko dute. Hileko soldata osatzeko falta zaien zatia klubak jartzea erabaki dugu. Klubaren egitura mantendu behar dugu, hau guztia bukatzen denean berriro martxa egokian hasi ahal izateko eta, horretarako, ezinbestekoa da gure langileak babestea.

Bestalde, jakin ezazue martxoko kuota egokitzea erabaki dugula: klubak martxoaren 11n eten zuen jarduera eta, beraz, hileko kuotaren herena baizik ez dizuegu pasatuko martxoaren bukaeran. Hori iruditu zaigu justuena.

Hemendik aurrerako kuotei dagokienez, berriz, hau da gure proposamena: egoera bere onera etorri eta gure jarduera normaldu arte, 15 euroko kuota txiki bat kobratzea hilero, klubaren egitura mantendu ahal izateko.

Jaso muxu handi bana eta eutsi bizkor egoera zailari! Zaindu elkar!

Miren Salsamendi, Berdin-Berdinak kirol elkarteko presidentea

Aipatzekoa da elkarteko kideek eta familiek erantzun ezin hobea eman diotela proposatutako neurri-sorta honi.

Mila esker guztioi elkartearen lanari ematen diozuen babesagatik!

Entrenamendu-saio bateratua egin zuten Berdin-Berdinak elkarteko arraunlariek eta Ur Kirolak taldekoek

bateratuaLAU20

Joan den otsailaren 3an, astelehenarekin, batera egin zuten entrenamendua bi elkarteetako hainbat arraunlarik. Gure elkarteko Arraun sekzioak Ur Kirolak elkartearen egoitzan egiten du astelehenetako entrenamendu-saioa eta, bi zuzendaritza-taldeek horrela adostuta, saio bateratu bat antolatzea erabaki zuten, bi taldeetako arraunlariek elkar ezagutzeko eta kirol-inklusioan beste urrats bat emateko.

Saioan Ur Kirolak taldeko 10 bat arraunlarik parte hartu zuten, gure taldekoekin batera.

Elkar ezagutu eta aurreiritziak gainditu

Entrenamendu-saioaren helburua elkar ezagutzea zen, eta, horrekin batera, ezagutza faltak sortzen dituen aurreiritziak gainditzea, jolas giroan. Saioa, hortaz, batez ere ludikoa izan zen, nahiz eta ur-fosoan arraun egiteko aukera ere izan zuten.

Bi taldeetako begiraleek zuzendu zuten entrenamendua, elkarlanean. Beroketa-ariketak, berriz, UK-ko arraunlari batek (Anek) eta BBko batek (Aimarrek) zuzendu zituzten.

Parte-hartzaileak urduri samar zeuden hasieran, elkarren berri ez zutelako eta beren ohiko dinamikatik atera genituelako, baina berehala hartu zuten konfiantza eta oso giro atseginean egin zuten saioa, argazkietan sumatzen den bezala.

Emaitza ikusita, saiatuko gara aurrerantzean horrelako entrenamendu gehiago antolatzen.

bateratuaHIRU20

bateratua20

Urte berri on Berdin-Berdinak taldeko kirolari eta lagunei!

urteberrion20

Aurten ere, urtea lagun giroan bukatzeko, Orioko San Silvestre lasterketan parte hartu genuen Berdin-Berdinak taldeko kide eta lagunek.

Eguraldi fresko baina ederrarekin, dozena bat lagunek korrika egin zuten Berdin-Berdinak elkarteko elastikoarekin, giro onean. Aldi berean, elkartearen poltsak, igeriketako txanoak eta kirol jantziak saltzeko postu bat jarri genuen lasterketaren helmugan. Jarraitu Urte berri on Berdin-Berdinak taldeko kirolari eta lagunei! irakurtzen