Gure igeriketa-taldeko Adei Salsamendik errioan arraunean egiteko aukera izan zuen, maiatzaren 24an, Berdin Berdinak elkarteko ontzietako batean. Lehenbiziko aldia zuen eta asko gozatu zuen esperientzia, oriotarrentzat arrauna ez baita edozein kirol.
Elkarlanaren emaitza
Ekimena ikastolako soinketa-irakasle Iñaki Berazarena izan zen. Berazak urtero antolatzen ditu hainbat kirol-jarduera, ikasleek bestelako kirol batzuk praktikatu ditzaten, normalean egiten dituztenez gain, eta oraingo honetan arraun-saio inklusibo bat egitea planteatu zien Adeiren taldekoei. Horretarako, harremanetan jarri zen Berdin-Berdinak elkartearekin eta gure ontzietako bat utzi genion, jarduera segurtasunez eta lasai egin ahal izateko.
Iñaki Beraza eta Adei Salsamendiz gain, beste hiru ikasle ere aritu ziren arraunean ontzi berean, eta, esan digutenez, oso gustura ibili ziren denak.
Mila esker Iñaki Berazari, ikastolari eta Adeiren ikaskideei, gure kirolariari aukera hori emateagatik!
Berdin-Berdinak 